“Sestaon Biziz” argazki lanarekin Sestaoko herriak bizi izan duen azken eraldaketa aurkeztu nahi izan dut. Industriarekin erabat lotutako izaera izan duen hiria zein bertako biztanleak moldatu dituen aro baten amaiera.

Neu ere hemen azaltzen dudan historiaren protagonistetako bat izan naiz eta eskarmentu horretatik eratu dut lana. Iberia aldapan bizi izan naiz, Labe Garaien itzalpean eta langileen joan-etorrien erdian. Aldaketaren adierazgarri nagusienetatik begirada alderatu ezinik: langileak “pilatzeko” eraikitako hiri baten eraikuntza erasokorra batetik, eta bestetik inguru horretara egokitutako biztanleak, gisa-balioetan sendo errotutako elkarbizitzan.

Lan hau 2006ko urrian aurkeztu zen.

Erakusketa hau zuri-beltzezko 53 argazkiz osatua dago. Carlos Canovasek kopiatuta, zilarrezko gelatinan.

Bi tamainatan aurkeztuta daude:

• 47 argazki 46,5X31,5 zentimetroko irudi-tamainan eta 54X41 zentimetroko aluminiozko markoarekin.
• 6 argazki 79,5X53 zentimetroko irudi-tamainan eta 100X75 zentimetroko aluminiozko markoarekin.

Erakusketarekin batera, 100 irudi jasotzen dituen liburua argitaratu zen. Testu guztiak euskaraz, ingeleraz eta gaztelaniaz.

Abellanedako Enkarterrietako Museoan